JOKA-OMWA
Omwa onyuolo No
gi Chwanya. Bang’ thone bende
ochak onyuol wuoyi moro bang’e mochak Omwa.
No onyuolo yawuoyi adek: Dimira,
Dibo gi Songa. Songa
oriwore gi mwache moko, sani iluongo gi ni Usonga.
Dimira kod Dibo to oriwore ogero piny Kano.
JOKA-CHWANYA
Onyuolo yawuoyi apar g’achiel (11), to gike epinje,
nimar kane Biego obiro kisuma
dala Chwanya to ne ok odok ne chuore (Okuom Ng’ech), Chwanya noloke
chiege. Nobiro gi wuoyi miluongoni Onyango. Chwanya nogwedho kimirwa (Onyango)
to okuong’o yawuote. Chwanya nodak Wich Lum. Wuod Chwanya maduong’
niluongoni Ochieng’ ema ogero
K’Ochieng’ ei Kanyamwa, mano edalagi migosi Achieng’
Beti. Wuoyi machielo miluongoni Aluoch
ema ogero Kaluoch ei Karungu
but Sori. Wuoyi machielo mane iluongoni Mo
ema bet kare ogerore marach rach; noriwore gi Waganda, mano e dalagi Oruko
Makasembo.
Joka-
Mo emogero Kagwa. Gimane omiyo
gi yudo hawi ema; negiloko dhoch, chi Mo maduong’ nokuny ka ngima but
sikul Amoyo ei Kagwa, kane ji oneno kamano to ne gi ringo giweyo piny nono,
mano ekaka jo-Kagwa nomako pinyno. Gwa nochako owuok modhi omako piny
Tanganyika. Kaka joluo nowachoni dala ok dong’ nono, nitie wuoyo achiel
ema oting’o nying’ Chwanya malo. Wuoyi
no iluongoni Jok.