JO-KASIPUL GI
JO-KABONDO
JOKA-OMIERI:
Sipul nonyuomo dhako moro miluongoni Bondo.
Bondo onyuolo yawuoyi kaka; Omala,
Achieng’, Onyango, Otieno kod Odera.
Nochako onyuomo dhako moro to kare ok nodhi maber, joge moko matin pod
odak but sikul Ringa ei Kojwach kod dir Oyugis Nyaka tong' Kisii.
Sipul nochako onyuomo dhako machielo miluongoni Apiyo.
Nonyuolo nyathi ma wuoyi maduong' noluongeni Okal,
sani oloso dhood jo-Kokal dalagi Mig. Samson Okati Opiyo (owad g'Ogira). Nochako onyuolo yawuoyi moko kaka; Ojwach
kod Apuoyo. .
Kuom mano oganda gi duto ema loso lokeson ma yande iluongoni Kasipul sani piny owacho (sirikal) osekidhe e kidienje matindo tindo ma koro
ginyalo romo lokesonde ariyo kata adek.
Omala bende nonyuomo mon buora to wuode achiel kende
ema kare ochung', kendo emogero gweng' masani iluongoni Kabondo dalagi Mig.
Mishael Anyango ma yande obedo ruodh Kabondo kuom ndalo mogwarore.
Omala nyinge nolal mit nying' min mare ema koro ong'ere kata kamano iwinjo
ka ji wachoni Kabondo ya-K'Omala.
Jodongo moko bende medo poroni Sipul Nonyuomo dhako
machielo en; Adungu nyar Uyoma,
adieri tamowa ng'eyo kaeri kata kamano, jodong Kasipul e duond wuon Abila
Mig. Ajos wuod Atiga Ny'Ochola kod Sammy Okati Opiyo (owad g'Ogira) nomedo fwenyoni Adungu nonyuolo Owidi, kane Owidi
osebedo ng'at maduong' nonyuomo Opondo (kuom
hawi marach nochweyo migumba). Nochako onyuomo Olal, nonyuolo wuoyi
achiel kende noluongeni Okoth.
Dhako
mar adek en Anyango masani
oloso gweng' mar Kanyango dalagi wuon Abila mar Jaluo dot Kom kendo Jagoro
mongirore; Ngire Ogello Mak'Okullo (Ajos wuod Atiga Ny'Ochola).
Joka-Omieri sani oloso dhoudi kaka; Kanyango, Kodera, Kokal, Konyango, Kotieno, Kojwach, Kachieng kod dhoudi moko matindo tindo. Jak’Omala moko nodong Kabondo moko to odak K’Auma e dho nam.
Mago duto ema iluongoni Kasipul-Kabondo. Jodak moko
bende sani koro oriwore kod jo-Kasipul gin; jo-Agoro kod jo-Kabar, gidak
machiegni chiro K'Oyugi kod dir Agoro Sare sikul. Jo-Karateng' moko bende koro odoko jogweng'
dalagi Mig. Caleb Ouko (CALO).
Omala kane Sipul osetho to nokawo min’gi odhi ogone dala e dho-nam kama iluongoni K’Auma kendo dalano noluongo gi nying' min mare; Bondo. Koro kama sani iluongoni Kasipul – Kabondo en gweng' maduong’.
Dala Rachuonyo sani ema omako gweng' mogerie opise mag distrikt mar Rachuonyo miluongoni Kosele kod Oyugis, Ringa, Kadongo, Oriang’ Chabera kod chirni moko matindo tindo. Sani gweng’no ogerore moloyo kata mana gwenge man ei Rachuonyo distrikt mangima. Mano e hawi mane Omieri okelo ne Rachuonyo.
Joka-Ndaya mamoko bende ogero mier but dho-nam Lolwe kata kamano gi kikore kod jodak mathoth ahinya. Jo-Kamser, jo-Wagwe kod dhout Alego moko bende odak e dho-nam nachiegni Simbi Nyaima.