JOK'ABUOR
Kadok
chien e dala Olole, nonyuolo yawuoyi adek koro sani asetieko Jok’Ojwang’
koro adwaro leronu kaka Abuor ma owadgi Ojwang’ bende onyuolore. Kane
Ndere Rabuor owuo, Abuor noringo mogore e dala Jok’Ombewa, mano oyudo ka
mwache osenego Ojwang’ mowadgi. Ndalogo nepod onge dhoot miluongo ni
Kombewa. Mano oyudo ka jo-Shanake matinde odak Tanzania emane pod odak kanyo. En dhood
jo-Kuria modak Tanzania; mano e dhoodgi mosenindo mane ker mar Tanzania, Mwalimu
Julius Nyerere. Ng’eny ji
paro ni Nyerere ne en ja-Bantu;
ooyo en anyuolawa waromo kode ka Ramogi maduong’. Mago
joka Kombe ma owadgi Ramogi.
Abuor nonyuolo yawuoyi adek:
Radolo
kod Aila, wuode mar adek notho
ma chiege noter gi Gok kendo
nonyuolo Munuagi Musunga, Gok bende ochalo kaka wuod Abuor to nonyuole bang’e.
Joka Gok machalo kaka
Munuagi, Musunga kod Gok odak ei Kajulu but Kisumo. Radolo odak ei Alego,
Imbo kod Gem, sani to ji thoro luongo gi ni joka Nyidet.
Ila to odak ei Seme, ok gi ng’eny ruok.
Wuod Olole matin mane oomo mwache mowuoyo Ndere Rabuor; kane koro ji oke en bende nowuok modhi got Naya ei Uyoma. Nonyuomo mon ariyo to bang’e nodar modhi milambo. Oloso dhoudi ariyo Aganda kod Abura.