jokaanda

Od Wadu
     
 

JOKA ANDA

Anda onyuolo yawuoyi adek; Alego, Ragem kod Ragenya

Alego onyuolo yawuoyi ariyo; Miyawa kod Seje to nokecho wuode matin to okwedo maduong nimar ne en kimirwa. Mano ema omiyo Miyawa nodar odhi odak ei Sakwa kaka ne asenyisou, wuode mane okecho iluongo ni Seje. Bang’e nonyuol Denge.

Dhout Alego gin adek; Seje, Miyawa kod Denge...

Jodak duto man ei Alego nyalo romo aganda piero ariyo g’abiriyo.

Ragem: onyuolo wuoyi achiel miluongo ni Kwenda, to Kwenda onyuolo yawuoyi abiriyo. To gi ke e gwenge mopogore opogore. Kata kamano nitie yawuoyi ariyo kod nyasgogo (nyako modhi ka tedo to oduogo odak dalagi).

Yawuote gin; Were gi Thomo kod Nyasgogo miluongo ni Gilo,

Were (Kochieng odak ei Kwenda)

Yawuoyi mane oke e gwenge moko gin; Oguta ei Nyakach, Nyalwala ema oloso gweng’ miluongo ni Kochia, Agoro ni Nyakach, Sare ni Nyakach kod Owiti ema ogero piny Gem Asumbi man milambo. Agoro gi Sare jogegi moko nodar odhi milambo but K’Oyugi kama sani ogerie sikul miluongoni Agoro Sare.

Yawuoyi ariyo mane odong’ kod nyako achiel ema oriwo piny kod Ojuodhi Tipo. Aming’a piny koro nochopo kama koro Ojuodhi Tipo ketho dala Gem. Kaka noketho dala Gem ema; juogi mar bilo nomake mowite olal oko, to nokwanye gi wuod jaduong’ Kwenda ma wuod Ragem mane odak Magwar but Siaya. Kuom ndalo mang’eny ji ne ok ong’eyo ni en kod mula mar bilo. Noboyo bade kod okola kama noketie bilo.

 Chieng’ moro achiel chi Kwenda ma min Ochieng Thomo no nene korudho mula e dho aora, modhi okwero Kwenda ni ng’at miketo edalani ruoth wadu obiro ketho dalani. Ndalo go duto ne en kaka jakwath e dala Kwenda, to kane osefwenye to nochune mogonyo okola mane otweyo e bade moyud mula mar bilo. Kuom mano nochune modhi oomo joge kuma noweyogie Magwar. Bang’e nong’ado aora kendo nodhi ogero dalane loka machielo ei Abaluhya, kuno nonyuolo Agolla kod Akello. Mano e kama onyuolie Prof. Ogot kod yawuoyi moko ma bende osomo ahinya ei Abaluhya.

 

Jagoro kendo jarit od Twak; Mikayi Adhiambo Nyar Kochogo
Copyright © 2004 by [Joluo dot Kom]. All rights reserved.
Revised: 12 Aug 2004 00:32:35 +0200 .