din

Od Wadu

Din Tiende Ang'o?

DIN EN ANG’O?

Motelo ne dwoko mar penjoni en herona mondo aler tiend weche machando wi dhano, e piny ma wadakeni pach dhano gi riekone osemiyo winjo tiend weche bedo matek nimar adiera onge ng’ama ong’eyo! Dinde thoth e piny; kendo moro ka moro lando mana adieri margi, kare joma ne odak motelo ne biro mar Kristo to noyud ngima mochwere nade? Jogo mane ok oyudo thuolo mar winjo puonj Injili to bende noyud warwauok? Penjo dwokore gi penjo kata penjo nyuolo penjo; Warwuok kuom ang’o kata warwouk en ango? Mago duto inyalo mana dwoki ka iketo chunyi mar somo kodwa nyaka giko.

Lony osebiro e piny; ng’ama nokelo lony kata ere gima omiyo okele? Rieko chando joma riek omiyo puonjrouk osiko nyaka chieng.

KIT LONY MA RIEK DHANO OKELO E PINY

“HUMAN INVENTIONS”

Dhano ni kod wich mar paro kendo loso gigo ma miyo tich bedo mayot kak, masinde, Mak mana dhano achielni nikod paro ma iye ogajore ma kata en owuon otame kaka onyalo konyore godo owuon. E piny Onjiro Nyamande nitie ofis moro ma osechoko kit lony ma rieko dhano okelo (DPA-Deutsches Patentamt) e boma mar Münich. Ofisni wadende gi dho ngere ni German Patent Office kochakore higa mar 1948 nyaka 1989 nofwenyore ni gima lony dhano ose kelo kendo ondiki nyalo romo 2,000,000 gi wiye (Registered patents) thothgi yudore ni owuok epiny Onjiso kanyo.

PUR

Kata obedoni dhano oseloso chumbe mathoth kod masinde mopogore opopore kaka, kompiuta, ndege……kuom jo-pur to gima omiyo sani puothe madongo purore mayot nochakore higa mar 1877 kane wuod Onjiro moro ofwenyo kendo ogero masin mar pur marabet, oringo gi teko mar muya mochwaki maliet (the steam spade plough) sani to koro jo-pur tiyo gi tinga (tractor). Epinje ma pod dongruok ni chien to ji thoro puro gi kwe dhok.

THIETH..

Ngima e teko dhano wuod wafaransa ma nofwenyo yo ma inyalo nen godo kit kute matindo tindo makelo touche e dend dhano, Mig. Louis Pasteur (1822-1895), Mig. Robert Koch (1843-1910) nofwenyo tuberculosis bacillus (TB) kod cholera “nyaldiema”. Motelone mano twochegi ni chalo masira ma dhano ok nyal geng’o higa mar 1895 Mig. Wilhelm Konard Röntgen nofwenyo rameny mar nono tuo e del miluongo ni X-rays. Seche ochopo ma koro kata miyo ma yach yudo ler kuom mihia moting’o kendo ong’eyo ni en wouyi kata nyako. Yedhe bende osebiro ma kata Ayaki matieka ma yweyo dhano e piny ngima koro inyalo geng’!

KOMPIUTA

Mig. Konrad Zuse (1910) emane ofwenyo kendo okwongo loso kompiuta e piny ngima. Kane oyudo oloso kompiuta mokwongo higa mar 1936 ne en masin maduong ma romgi ot ma ji odak, kata kamano kompiutani nokethi e ndalo lweny bang’ mano notemo loso moro kendo, jo Amerka bende koro rieko nobironegi mar gero kompiuta koro en gima inyalo kan kata e (kirowo) ofuku. Kompiuta achiel nyalo kano weche mondiki e buge madirom kata 10,000 gi wiye. Mago kod fweny (invention) ma moko osemiyo piny koro obedo molony ma kata wuoth ma yande ji nyagore godo tinde ok tek, sani gigo machalo kaka nyamburko, ndiga, aturu tutu (pikipiki), meli, ndege kod ma moko omiyo wuoth obedo mayot e tunge piny. Kata mana e boma ma Kisumu gi Busia Boda Boda ema suoyo dhano mapiyo piyo kendo beche oyweyo maloyo matatu.

KIT LONY OTAMO DHANO FWENYO KAKA GITIYO

(UN REGISTERED PATENTS)

Teltel (woodpecher) nyalo tucho kor yien ma rabet nyowuoyo ma ok otiyo gi masin moro amora.Winyoni ni kod obuongo mog’irore, kata wich bar ok make bang’ dwong’o kor yien. Bende ung’eyo ni teltel duong’o kor yien e rang’iny mar 25km/h? mano hono ma jo-reko pok ofwenyo ngang? Bende ung’eyo ni winyo nyalo fuyo e kor yamo ka odhi nyime, odok chien, malo kata piny mak opudho piny! Winyo nyalo diedo e kor yamo mak oputho ere kama ose ndike rieko ma miyo ok olwar piny? (unregistered humming-birds patent).

Bende ung’eyo ni punda (kanyna) nigi teko mar rundo masind rego kuom thuolo mogwarore mak ool? Onge kata nyamburko manyalo lworore e rang’iny ma kanyna tiyo godo tich rundo masin rego.

Bende ung’eyo ni rech odak e bwo pi (10,000m) to kata taya oonge godo en gi rieko mar loro wang’e kendo neno e mudho ma ndiwa tekono oloyo mar wang’ dhano nyadi (mia) 100, kendo onyalo neno ka maundu biro monje.

Bende ung’eyo ni yien nigi teko mar loko ler mar chieng’ mondo obed chiembe ma konye kuom dongo, mano ema idendo gi dho-ngere ni photosynthesis, onge jo-sayans masefwenyo kaka tekono tiyo nyaka chil kawouno.

Bende ung’eyo ni gima omiyo chuny dhano gwecho pod otamo jo-rieko loso nyaka kawouno? Kadine gi nyalo to kare dikoro gi siro tho maka ng’ato dwa tho to osemiye chuny manyien. Mago kod ma moko omiyo hond Nyasaye otamo dhano fwenyo kaka chwechne nobedo! Onge jo-sayans mosechweyo dhano ma wuoth nyaka chil kawouno.

Yawuot sungu mariek kendo bith ka kudho nofwenyo adieri kuom Nyasaye Nyakalaga kama:

Aristotle (384-322 BC) Nyasaye ma ok ne gi ng’ato ang’ata mochwe e wang’ pinyni ineno kuom tichne owoun gi honni ma osetimo e kindwa.

Plato (427-347BC) Piny nyaka bedni nochakore kamoro, chakruokne e ja-chwech (Wuon Piny).

Cicero- (106-43 BC) Chwech duto mantie e Polo kaka sulwe, dwe gi ma moko ma ok wanyal neno nyiso ratiro kit chwech kendo teko Nyasaye. Nimar gigo duto man e kor yamo (lwasi) nyaka bed ni nitie teko moro ma omakogi kendo omiyo gin tie kaka wang’wa nyalo nenogi. Kendo gigo duto dhano ok nyal lero kaka gitiyo gi teko Nyasaye ma wuon chwech gi Ngima. Ok en Nyasach jo-rachere kata jo-rabuore kata jo-ratenge kendgi to en mar ji duto. Motelo ne masedindego donge dhano nodak? Teko ja-chwech to ne nitie nyaka aa chakruok mar gik moko duto.

FUP DHANO

Fup dhano maduong’en luoro mantie e kindegi ja-chwech, Nyasaye to gi dhano wadgi nimar jo-din wuondo pach dhano ni timwa marach emane okelo richo e pinyni mano omiyo dhano oluor ni en jaricho e nyim ja-chwech. Kendo e kindwa wawegi bende winjruok onge; akwede, gwondo, nyiego to gi ma moko osekelo fuwo e pach dhano.

Kuom yie mar dhano pogruok nitiere nimar din ka din puonyo mana margi. Dhano gero yie mare to kendo yie ema chako chumbe e richo! Rieko ma dhano rieko godo ema omiyo winjruok ne gi ja-chwech nok! Penjo ma ji osebedo ka penjore en nito ja-chwech en ng’a? To odak kanye? Dwoko yot Ja-chwech en wuon oganda duto kod gigo duto mantie e pinyni. En chuny nono, oonge aringuok en muya odak kuomwa, en kodwa ndalo duto. Ka dhano timo timbe maricho to winjruok e kindegi ja-chwech bedo marach, mano miyo rach kedo gi ber ma jo-din luongo ni RICHO.

Ja-chwech odak kanye? Ja-chwech, Nyakalaga odak kodwa, entie e kindwa ka moro amora, olak ka pi mool e lowo ma landore kuonde duto mak oyiero kuma onego odhiye.Odak e chunyowa mana kaka lowo motuo mudho pi kendo obedo mang’ich e kaka chunywa bende ng’ich kuom wach ma mit mar ja-chwech kendo wuon Ogendini duto.

Chuny matuo en chuny ma ok oyie kuom Nyakalaga ochalo lowo motwo ma ok nyal nyago chama.

Yie mar dhano kuom ja-chwech, Nyasaye yudore e yore mopogore opogore kaka ;

LAMO NYISECHE MATHOTH

Kata gi dho ngere eluonge ni polytheism (Greek polys-marry: nyisech mathoth). Lamo nyisech mopogore opogre.

NYASAYE ACHIEL KENDE.

Monotheism (Greek:monos-single:achiel kende)Yie kuom Nyasaye achiel kende woun ogendini duto

RANYISI MAR NYASAYE NENORE E PINY NGIMA KENDO E KIT CHWECHNE DUTO KAKA DHANO, LE,YIENDE…………………………

Pantheism (Greek: pan=duto fwenye e kit chwechne duto.

Nyasach ng’ato ka ng’ato e chunye owuon.

Theism (Greek:theos=Nyasaye

Yie kuom Nyasaye. Nyasaye ma orito kit chwechne duto e piny, en Nyasaye ma ok dwar misango kata woundruok e chuny dhano kata berruok e kind oganda, ochalo kaka tipo dhano ma nyalo bedo kode kuonde duto ma odhiye to ok nyal loso kode.

Ja-chwech mar piny nobedo dichiel kendo Nyasaye kaka ja-chwech, nomenyo riwruok ekinde gi dhano kod gigo duto mantie eiye.

Deism (Latin=deus Nyasaye, jogo mane oyie kuom wachni gin Mig Voltaire Rousseau gi Lessing, jogo makwedo ni Nyasaye onge.

Atheism (Greek; atheos= Nyasaye onge).Jogi oyie kuom ngima kende to gi kwedo kido moro amora mar Nyasaye, jogo maluwo chik dinni gin; Hinayana-Budhism gi Taoism modak e piny China kata kamano pinyni jo-kristo to wacho ni mago gin oganda ma lando akweda e kind jo-kristo. Ogandani lando ni onge ngima bang’ tho kata (romo) riwruok gi jogo mane osetho chon motelonwa. Marxist, August Bebel nowacho ni kadipo ni nitie Nyasaye adieri to kare wan wa wegi ema wafuwo kendo wa wuondore chuth.

Yie manyien en mano makelo paro duto mag dinde mag jo Asia kod kit ngima masani mondo wayud lony kod adieri mar dak e pinyka gi Nyasaye e ngima manyien.

Syncretism (late Greek: syncretism=federation of Cretan cities) Riwruok mar dinde, pach dhano, e piny ngima, pach ng’ato ka ng’ato (philosophical doctrines) mondo wa wayud yie manyien ma nyalo miyo oganda odag gi kwe kendo yie kuom Nyasaye achiel kaka ja-chwech. Kendo mondo otiek lweny mantie e kind dinde gi wegi.

Dinde mathoth nigi paro ma moro ja-chwech kuom golo misango mar le kata gigo ma chwero remo. Kuom mano giparoni ja-chwech dwaro mich ma kamano.

Animism (Latin: anima=soul (adundo) Gimoro ka gimoro ma ngima e pinyka nigi adundo, kuom golo mich (misango) mar olo remo en nyiso hera marwa ne kwere gi adundo maler (Nyakalondo) kata kit ngima e chuny dhano mago duto timore kuom jogo e dinde malamo Nyasaye achiel kaka ja-chwech.

Golo misango e ranyisi mar gigo ma onge gi kit ngima nikech gi nyiso teko mar Nyasaye e e yoo ma ling’ling’!

Fetishism (Portuguese: magical means) Golo ranyisi e yor timo hono.

Lamo Nyasaye kuom kit chwech duto: Totemism; (Indian) ) nikech giyie ni dhano nyalo bedo gi warruok kuom yien kata kuom le omiyo gigo duto man e piny gin hono mar chwech Nyasaye.

DIN EN ANG’O?

Bedo gi yie kendo timo timbe mag yie kuom chiemb chuny (spiritual awareness of existence) Yie kuom ngima bang’ tho mar del kata riwruok gi Nyasaye Nyakalaga ma ja-chwech kendo woun Ogando duto:

Dolo mar din (polytheist) lamo nyiseche mopogore e kind oganda mar jo Roma, Misiri, kod Grik. No medo lero ni kit Nyasaye yudore e yore mopogore kuom kit chwechne owuon. Oganda duto man e wang’ pinyni e gweng’ ka gweng’ nochako lamo nyiseche mopogore opogore mak mana jo-Yahudi (Israel) kende e mane okwongo chako lamo Nyasaye achiel ma ja-ng’wono kendo ja-chiwo negi lwonge ni Yahweh. Norito oganda mane oyie kendo lame gi ng’wono kendo gi dimbrouk karito chikene mane omiyo gi: Nyasaye ma wuon oganda en chuny nono oyudore kuonde duto e seche duto mak oyiero ni kae ber kata rach.

Lero tiend din gi dho-latin(Religio) tiende ni luwo Nyakalaga ( ng’ano man gi teko) jo-warabu (jorabuore) luonge ni DIN (mano e kama ne joluo ogole nying ma sani itiyo godo kuom oganda mochokore kendo lamo Nyasaye Nyakalaga kaka ja-chwech kendo jo-ote mar oganda duto moyie kuome. Jo-waindi (Abonyo) lounge ni Dharma (Sanskut) tiendeni ma dhano nyaka luor:

Jo-China luongni CHIAO

Jo-Japan to luongeni KYO

Korea to luongeni HAK

Tiendeni wuon chike.

Kuom mano nitie yore ariyo ma wanyalo lero godo tiend din; mokwongo e yor jo-rieko, mar ariyo en e yor Muma kata Koran kod buge ma moko ma wouyo kuom dinde .

Din en yie mar dhano kuom Nyasaye Nyakalaga kaka ja-chwech kendo jang’won e kit chwechne duto e pinyni. Kendo dinde temo puonjo weche kuom loch Nyasaye e ndalo mar giko ma ng’ato ka ng’ato ibiro yal kaluore gi timne e pinyka.

Din en rieko mar loko pach dhano mondo kik par weche ma moko mak mana yie, onge nga’t ma nyalo lero nito ere gima omiyo nyaka wa yie kuom ja-chwech ma ok wane gi wengewa kaka dhano. Dwoko tek kipingo to inyisi ni yie en mich moa kuom Nyasaye mak pingi

YIE E YORE ADEK

Yie e yo ma thany thany kaka bedo gi nyiseche milamo, yie kuom roho maler kod kwonde lemo kaka kanisa, muskiti kata hekalu .Golo mich e yor misango (ISLAM, BUDHISM).

Bedo gi yie kuomi iwuon kod timni mak iketo yie kuom Nyasaye kaka ja-chwech (kuom ranyisi Marxism, National Socialism, Anthroposophy)

Kuom mano Ngire mar Mbarariany, Mig. Sir Julian Huxley nondiko “ne an awoun kuom dagi kendo kwedo Nyasaye kaka ja –chwech en mor maduong ahinya e chunya . Darwinism nodagi (nopingo) paro mar keto Nyasaye kaka wuon chwech gik moko duto e pinyka”.