DHOUDI DUTO MOGERO NYANZA
(SENDRO
KOD SOTH NYANZA)
CENTRAL & SOUTH NYANZA
SIAYA:
dhoudi
mogero Siaya distrikt chalo kama; Alego, Ragem,
Uyoma, Ugenya, Asembo, Sakwa gi
Imbo. Nitiere dhoudi moko matindo tindo masani yudore ei gwengego mago
to ubiro yudo lergi bang’e ( e migepe ma biro bang’e).
KISUMU: thoth joka-Omwa ema ogero kisumo kata kamano onge ng’at miluongoni kisumo, ne en mana kar romo kane jo odhi kisuma loka machielo, onego luongeni wi-Nam. Koro oganda mogero kisumo chalo kama: Joka-Omwa, Seme gi Kano.
Kata
kamano nitie gwenge moko makoro osenya moromo loso lokesonde (locations)
mathoth ahinya, mago gwenge kaka Oywa
masani uluongoni Nyakach kod Kajulu.
Kajulu bende joge sani buora mathoth abiro ganonu bang’e. Kajulu e gweng’ gi Owuoth Seki ja-wath Orego bende e kama minwa mosenindo Paskalia Obondi Nyar Midenyo aye.
MILAMBO: Kochakore Miriu but Odino gweng’ Mosi Wuon Auma nyaka tong’ Kenya gi Tanganyika kendo Miruka nyaka god Uma gwenge duto man e buo lwahoni ema ogero South Nyanza yande oduong’ masani to koro opoge e kidienje matindo tindo moloso distrige (districts) madirom abich.
Gwenge
mogere chalo kama: Kabondo, Kasipul,
Rachuonyo, Kochia, Gem (Asumbi), Kanyada, Kabuoch, Kagan, Kanyamwa,
Karungu, Kanyidoto (ka-Nyadoto), Kanyamkago, Kadem, Kwabwayi, Kamagambo,
Suna, Gwasi, Kaksingri, Gembe, Rusinga kod Mufangano. Kuria
distrikt bende chon ne nitie ei South Nyanza sani to koro en distrikt
yore.